الخميس، 1 ديسمبر 2011

حـُ رِ يَّ ــة



إبتـدى الصووت يـزيد
واحد بيهتف
و الـتاني يردد
و حـلم جديد
و حـرية ,, بـتتولد



و قوات الأمن منتشـرة
و موقف مُفـزع , بيخض
لكـن المصريين , رجـالة بجد


زاد الهـتاف
مـافيش هـوا
ماليه الغـاز
قنـابل , رصاص , مـطاطي
هو ده اللي كان بيتشـاف
راجـل عـجوز على عـكازه كـان سـاند
و الصـوت كـان قوي , كـان كله واحد


إذاعة .. و إعلام
و كـاميرا
و صـوت و صورة
و ربنـا هو اللي شـاهد
علَّى الأدان صوت الجـوامع
دقت كنيسة في مفترق الشوارع
صـلت شيـوخـنا
حمـاهم أبونا و جرجس و ميـنا
و إبتدينـا
نهتف كمـان
هـز الهـتاف أرض الشهيد


 ,,


وكـان الرصاص في العيون يصيب
نقول عـيب
يقولوا بـس يـا " بلطـجية "


وقف الـبلطجي في وش العـسكر
وقاله يا عسكـر أنا خـطي أحمر
على جثتي تفضل هـنا
موِّت براءته بالرصاص
زوِّد عـنادنا
كتَّـر عددنا
قوَّى في ولادنا
فصيـلة الـخلاص ... !

.
.




السبت، 19 نوفمبر 2011

حسبنـا الله و نعم الوكيل



هـل رجع بنـا الزمن عند تـاريخ 28/1/2011
أم لمـ يسِـرْ ؟
أم أصبحت أيـامنا كـلها 28/1/2011 ؟

هل حقاً استنثخوا 1.000.000 من " المخلوع " ؟
هـل قطـعنا الرأس فقط و تركنا باقي الحية تعبثُ و تلهو كمـا تشاء بعقولنـا حتى أصبحـنا كذلك ؟
أم كـان خـطأ مننا عندما تهاوننا في حق ثورتنا و تركناها في يدِ من لا يستحق أن ينـالها ؟

الغلط منين ياخوانا بس ؟؟؟

,,,

من كل شكل و كل لون
من كل أصل و كل فصل
من كل أوان و كل عصر
بنتجمع هنا في الميدان

شتتونا و فرقونا
بهدلونا و عورونا
بالرصاص الحي قاموا
يفرقونا من الميدان
اللهم لا حول ولا قوة الا بالله
حسبي الله و نعمَ الوكيل


الجمعة، 18 نوفمبر 2011

مقتطفـــــات ; ))




علاقتي بيكي مش مـجرد خُد و إدي


علاقتي بيكي أقوى من موقفك و موقفي


فـاكرة أول يوم مظاهرة نزلنا فيه ؟


كـانت أجمل بداية لنـا ..


إستحرمت أمسك إيديكي , عشـان أفضل محافظ عليكي


و مـحافظ على شكلي في نـظرك




حلوة أوي الذكريات , حلوة جداً معـاكي ^_^




رسـالة من {{ .. }} !!


" من يوميات بنت مصرية "


الخميس، 17 نوفمبر 2011

مالهاش لازمة !




بحـاول أمنع نَفْسِي إني أكتب اللي في نِفْسِي عشـان مش ببقى عايزة حـد يشوف اللي بكتبه

بس غصب عني ببقى عايزة أكتبه

رغبتي في إني أبوح باللي جوايا

عشـان بجد مابلاقيش حـد أقوله

حتى أقرب الـناس ليـا .. ! : )

,,

مـجنونة

مستخبية جـوا بطانية و بتداري دموعهـا

بتحـاول اكتر من مرة تنتحر

بس خوفهـا من ربنـا منعنهـا إنهـا تعمل كدَّه

..

مخـنوقة جداً من كـل حاجة في حيـاتها

عـايزة تعمـل زي Restart

بس مع الـ restart ده تفوق منه ماتلاقيش نفسـها

..

ديمـاً فاهمين عقلهـا على أد سنهـا

مع كـل طلب بتـطلبه , بيقابله درس في الأخلاق

على إنها " عيلة " لسه و ماينفعلهاش أي حـاجة م اللي بتطلبهـا

..

مخـنوقة جداً من قيود أهلـها و مجتمعهـا

نفسهـا تنطلق انطـلاقة بلا عـودة

..

بتعمل حسـاب لـ " نـاس " غـالية عليها

بتعطيهم أكبـر و أعلى من مـكانتهم

أكـيد غـلطتها إنهـا عودتهم على كده

...

يمكن سبب اللي هـي فيه إنهـا بتحب أوي

بتدِي أوي

..

حـلمها أكبر منهـا

أكبر من كل ظروفهـا


بس في عيونهم " فـهو أصغر ممـا لا أصغر منه " : ))

الأربعاء، 16 نوفمبر 2011

"الـــميدان "
رمــز قاله كل واحد
اللي سامع و اللي شاهد
و اللي عدى ألف شارع
و اللي أدن في الجوامع
اللي دق جرس كنيسة
و اللي غني " مصر العزيزة "
و اللي دمه سال و صحى
صــوت بيكتم فيه ألف بحــة
و اللي نادي و اللي ضحى
و اللي ماتت فيه حياة
و اللي قوى صاحبه لما مات في عينه الإنتصار
و اللي طبطب ع الدراع
و اللي شبع لما جاع
و اللي بات ع الرصيف
و اللي قلبه أبيض نضيف
و اللي رافض يبقى مصري لو في يوم يصبح ضعيف !
اللي شال ألف حــاجز
و اللي أثبت إنه مش عـاجز
اللي أول مره أشوفه
و ألمح في العيون خوفه
و أطمنه " مــا تخافش "
و اللي مات وسط الميدان
و اللي صبره كــان إيمـان
و العجوز و الشيح و أبونا
و الكلاب اللي ضربونا
و الحنان من أم شافت إبنها ميت قصادها
و الدعوة لما تشوفنا بنـطالب بحقوق ضناها
و الصلاة فـ الـــجماعة
و الأجندة و البتاعة
و البتاع و البتوع
وحنا لسه ما فيش رجوع
إترسم على وشنا إصرار يفسر كل حاجة
ياللي فاكر إني لسه برضه خايف
إنت عمى ؟ ولا لسه مُصِــر تبقى مش شايف ؟
شوف و فــتَّح
ع الورد اللي فتــَّح
في جناين مصر 

بـ قـلم \ شَيّمـَاء عَـبدُ الله