الأربعاء، 16 نوفمبر، 2011

"الـــميدان "
رمــز قاله كل واحد
اللي سامع و اللي شاهد
و اللي عدى ألف شارع
و اللي أدن في الجوامع
اللي دق جرس كنيسة
و اللي غني " مصر العزيزة "
و اللي دمه سال و صحى
صــوت بيكتم فيه ألف بحــة
و اللي نادي و اللي ضحى
و اللي ماتت فيه حياة
و اللي قوى صاحبه لما مات في عينه الإنتصار
و اللي طبطب ع الدراع
و اللي شبع لما جاع
و اللي بات ع الرصيف
و اللي قلبه أبيض نضيف
و اللي رافض يبقى مصري لو في يوم يصبح ضعيف !
اللي شال ألف حــاجز
و اللي أثبت إنه مش عـاجز
اللي أول مره أشوفه
و ألمح في العيون خوفه
و أطمنه " مــا تخافش "
و اللي مات وسط الميدان
و اللي صبره كــان إيمـان
و العجوز و الشيح و أبونا
و الكلاب اللي ضربونا
و الحنان من أم شافت إبنها ميت قصادها
و الدعوة لما تشوفنا بنـطالب بحقوق ضناها
و الصلاة فـ الـــجماعة
و الأجندة و البتاعة
و البتاع و البتوع
وحنا لسه ما فيش رجوع
إترسم على وشنا إصرار يفسر كل حاجة
ياللي فاكر إني لسه برضه خايف
إنت عمى ؟ ولا لسه مُصِــر تبقى مش شايف ؟
شوف و فــتَّح
ع الورد اللي فتــَّح
في جناين مصر 

بـ قـلم \ شَيّمـَاء عَـبدُ الله

هناك 6 تعليقات:

  1. فى الاول مبروك عليكي المدونة

    تاني حاجة انتي عارفة رايي فى كتابتك اللى من النوعية دي
    بجد بتعمليها حلو اوي

    ربنا يوقك

    ردحذف
  2. الف الف مبروك يا شيمو

    جميلة جدا كالعادة

    انتى موهبه تستحق تكمل

    ربنا يوفقك

    ردحذف
  3. ضــياء
    الله يبـارك في عـمرك ^_^
    رأيك " سواء بالإعجاب أو النقد " فعـلاً شرف لـيا

    و يوفقك
    دُمت بـودِ

    ردحذف
  4. شيـرين
    الله يبـارك لكِ و فيكِ : )
    وجودك هو الأجمـل فعلاً ..
    ـسلميلي
    دُمتِ بـودِ
    ’,

    ردحذف